Тусгаарлагдсан 17 иргэнийг зочид буудалд оруулж, цагдаа нар хянаж байна

Нэгдүгээр сарын 23-ны өдөр буюу өчигдөр Эрээн-Улаанбаатар чиглэлийн автобусаар зургаан настай эмэгтэй хүүхэдтэй, өвөрмонгол эмэгтэй ирсэн бөгөөд охин нь өндөр халуурч байснаас тусгаарласан талаар Эрүүл мэндийн яамнаас мэдээлсэн. Мөн тэдэнтэй хамт зорчиж байсан 17 монгол иргэнийг тусгаарласан болохыг мэдэгдсэн билээ. Тэгвэл тухайн 17 иргэнийг өчигдрийн туршид автобусанд нь байлгахдаа хоол ундгүй, хүйтэн нөхцөлд байлгасан талаар тэд мэдээлж байна. Ингээд оройн 21.00 цагийн орчимд Замын-Үүд дэх Амар стар зочид буудалд оруулсан байна. Гэхдээ ямар нэг эмчийн үзлэг, шинжилгээ хийхгүй, ажигласан байдалтай байгааг тэд хэллээ. Тэднийг тус тусын өрөөнд оруулж цагдаа нар өрөөнөөс нь гаргахгүйгээр хамгаалж байгааг хэллээ.