ЭМЯ: Сургууль, цэцэрлэгийг түр хаах санал гаргалаа

Эрүүл мэндийн сайд Д.Сарангэрэл коронавирусээс сэргийлж сургууль, цэцэрлэгийг түр хаах саналыг гаргалаа.

Монгол Улсын шадар сайд Ө.Энхтүвшингээр ахлуулсан Улсын онцгой комисс яг одоо Төрийн ордонд хуралдах гэж байна. Улсын онцгой комиссын хуралдаанаар Эрүүл мэндийн сайд Д.Сарангэрэлийн сургууль, цэцэрлэгийн үйл ажиллагааг түр хаах саналыг хүлээн авах эсэхийг хэлэлцэн шийдвэрлэх юм.

Урд хөршид дэгдээд Коронавирүсийн халдвар эрчимтэй тарж буйгаас үүдэж, олон нийтийн зүгээс сургууль, цэцэрлэгийн үйл ажиллагааг түр хаах хэрэгтэй саналыг ихээр гаргаж буй. Манай улсын хувьд урд хөрштэй хил залган оршдог тул вирүс тарах өндөр эрсдэлтэй юм.