Афганистанд Америкийн цэргийн онгоц осолджээ

Өчигдөр, Афганистанд Америкийн зэвсэгт хүчний мэдлийн “USAF E-11A BACN” онгоц осолдсон байна. Анхандаа Афганистаны “Ariana Afghan Airlines” компанийн зорчигч тээврийн онгоц осолдсон тухай мэдээлж байсан. Гэвч ч удалгүй онгоц осолдсон газраас талибууд хийсэн бичлэгээ интернэтээр цацаж эхлэхэд Америкийн тал өөрийнх нь онгоц унасан гэдгийг хүлээн зөвшөөрсөн байна.

Америкчууд өөрийн онгоц гэдгийг хүлээн зөвшөөрчээ. Тус онгоцыг уулархаг нутагт армийн нэгжүүдийн хооронд байнгын холбоо барихад ашигладаг байжээ.

Афганистаны “Талибан” хөдөлгөөн онгоцыг буудаж устгасан тухайгаа мэдээлсэн ч Америкийн эх сурвалжууд тийм боломжийг үгүйсгэсэн байна.