Австралид очсон монгол иргэнээс коронавирусийн халдвар илэрчээ

ЭМЯ-ны Төрийн захиргаа удирдлагын газрын дарга Б.Цогтбаатар нар шинэ төрлийн коронавирусийн дэгдэлттэй холбоотой цаг үеийн асуудлаар шуурхай мэдээлэл хийлээ. Энэ үеэр Австралийн Мэльбурн хотод байгаа монгол иргэнээс тус вирусийн халдвар илэрсэн гэдгийг хэлсэн юм.

Тодруулбал, Монгол Улсын иргэн 34 настай эрэгтэй нь 2020 оны нэгдүгээр сарын 19-нд Австрали улсад газардсан бөгөөд, “нислэгийн хугацаанд ямар нэгэн шинж тэмдэг илрээгүй байсан ч Мельбурн хотод очсон оройдоо халуурч, эмнэлэгт тусгаарлагдсан байна. Нэгдүгээр сарын 25-нд шинэ төрлийн коронавирус гэдэг нь лабораторийн шинжилгээгээр мөн болох нь тогтоогдсон”  гэж мэдэгдлээ. Одоогийн байдлаар Мэльбурн хотын эмнэлэгт тусгаарлагдан эмчлүүлж байгаа гэлээ.

Үүний дээр Монгол Улсын нутаг дэвсгэр дээр шинэ төрлийн коронавирусийн халдвар илрээгүй, дээрх иргэний тохиолдол нь Австрали улсад хамаарна гэдгийг албаны хүмүүс сануулсан юм.

НЭМЭЛТ:

Өвчтөн "М" 34 настай, эрэгтэй. БНХАУ-ын Гуанжу хотын Олон улсын нисэх онгоцны буудлаас Австралийн Мелбурн хотод 2020 оны 1 сарын 19-нд очсон. Онгоцонд байхдаа шинж тэмдэггүй байсан ба Мелбурнд ирсэний шөнө халуурсан. Эмнэлэгт хандаж тусгаарлагдан 1 сарын 25-нд лабораторийн шинжилгээгээр шинэ Коронавируст халдвараар өвчилсөн болох нь батлагдсан талаар Австрали улсын ОУЭМД-ийг зохицуулах байгууллагаас ДЭМБ-ээр дамжуулан мэдээллээ. Одоогоор өвчтний биеийн байдал тогтвортой байна.