Хууль зөрчин үр хөндөлт хийж, ял эдэлж байсан эмч дахин хожуу жирэмсэнд үр хөндөлт хийжээ

Өнгөрсөн долоо хоногийн баасан гарагт тусгай звшөөрөлгүй эмчээр үр хөндөлт хийлгэн хүндэрсэн 19 настай эмэгтэй ЭХЭМҮТ-ийн сэхээн амьдруулах тасагт хүргэгдэн иржээ. Жирэмсний хожуу үед буюу ураг дөрвөн сараас илүү сартай үед үр хөндөлт хийхийг хуулиар хориглодог. Тэгвэл тухайн эмэгтэйн ураг ч жирэмсний хожуу үед хамаарах хугацаатай байжээ. Үр хөндөлтийг БЗД-ийн 21-р хорооны Ачит сайхан гэх өрхийн эмнэлгийн эмч н.Алтанцэцэг хийсэн байна. н.Алтанцэцэг нь өмнө нь мөн л хууль зөрчин үр хөндөлт хийсний улмаас ял эдэлж байсан юм байна. 19 настай эмэгтэйн тухайд биеийн байдал маш хүнд ЭХЭМҮТ-ийн Сэхээн амьдруулах тасагт эмчлэгдэж, хэд хэдэн хагалгаанд оржээ. Бид энэ асуудлаар удахгүй дэлгэрэнгүй мэдээлэл хүргэнэ.

Т.Алтанцэцэг эмч өмнө нь 2007, 2010 онуудад мөн л хууль зөрчин үр хөндөлт хийсний улмаас эх эндсэн хэрэг гарч, ял эдэлж байсан юм.