Н.Номтойбаярыг явах ёстой гэж Д.Мурат кноп дарлаа

УИХ-ын гишүүн Д.Мурат:

-Нэгэнт “халтай” хурал хийсэн юмыг би яриад яах юм бэ?

-УИХ-ыг гишүүд нь янз бүрийн асуудалд холбогдсон тохиолдолд бүрэн эрхээс нь түдгэлзүүлээд шалгуулдаг байя гэсэн шийдвэр гаргалаа гэж ойлгож болох уу?

-Мэдэхгүй ээ мэдэхгүй. Би юм ярьмааргүй байна. Эцсийн шийдвэр гараагүй байна шүү дээ.

-Та УИХ-ын гишүүн Н.Номтойбаярыг явуулах нь зүйтэй гэж кноп дарлаа шүү дээ. Тэр талаар байр сууриа тайлбарлаач гэж байгаа юм аа?

-"Халтай" байсан юм чинь заавал ярих шаардлага байхгүй.

-"Халтай" гэдэг нь юу гэсэн үг юм бэ?

-Хаалттай гэсэн шүү дээ. Тэрийг задруулаад яах юм бэ?

-УИХ-ын гишүүд ёс зүйн болон бусад асуудал дээр хариуцлага хүлээдэг байя гээд УИХ шийдчихлээ. Үүнтэй холбоотойгоор тань дээр асуудал яригдах уу?

-Үгүй.

-Яагаад? Ижил нөхцөл байдалтай юм биш үү?

-Манай нам шийдвэр гаргасан, манай зөвлөл шийдвэр гаргасан. Бид тэрний дагуу ажилласан. Би ганцаараа шийддэг асуудал биш шүү дээ.

-Нам нь таныг хамгаалчаад Н.Номтойбаяр гишүүнийг хамгаалахгүй байна гэсэн үг үү?

-Манай нам шийдвэр гаргасан би түүнийг нь дагасан. Хаалттай хурал хийсэн. Түүнийг нь би задруулаад яриад байх шаардлагагүй.

-Н.Номтойбаяр гишүүнийг явах ёстой гэж та хувь гишүүний хувьд үзсэн юм байна. Тань дээр бас ёс зүйн асуудал яригддаг шүү дээ.

-Надтай холбоотой асуудал байхгүй.