Хятадын Хубэй мужид өчигдөр шинэ коронавирус ийн /COVID-19/ халдвар авсан шинээ 14 мянга 840 тохиолдол бүртгэгдсэн тухай тус мужийн Эрүүл мэндийн байгууллагууд мэдээлсэн байна. Ингэснээр Хятадад бүртгэгдсэн шинэ коронавирусийн нийт тохиолдол 48,2 мянга болжээ. Харьцуулахад, лхагва гарагийн өглөөний мэдээгээр 33,3 мянган хүн халдвар аваад байгаа тухай мэдээлж байсан юм.
Пүрэв гарагийн өглөөний мэдээгээр шинэ коронавирусийн халдварын тоо огцом өссөн ч эдгэрсэн хүний тоо 3441, нас барсан хүний тоо 1368 болжээ.
Халдвар авсан хүмүүсийн нэгдүгээр хавьтал, сэжигтэй тохиолдол гэж тооцогдсон 77,3 мянга гаруй хүн эмч нарын хяналтад байгаа тул халдвар авсан хүний тоо цаашдаа ч нэмэгдсээр байх бололтой. Түүнчлэн хоёрдугаар сарын хоёр дах хагаст өвчний тархалтын оргил үе ирнэ гэж тооцоо нотлогдож байгаа бололтой.
Сэтгэгдэл (0)
Сэтгэгдэл бичигдээгүй байна