Шинэ коронавирус COVID-19-ийн халдвар дэлхийн хүн амын 2/3-т нь тархаж магадгүй тухай ДЭМБ-ын зөвлөх, тахал зүйч Айра Лонжини сануулжээ. Энэ шинжээч нь Хятад дах халдварын тархалтын зүй тогтлын судлаач эрх баригчид өвдсөн хүмүүсийг тусгаарлаж эхлэхээс өмнө COVID-19-ийн халдвар БНХАУ-ын хилийг давж гарсан тул тусгаарлах арга хэмжээ нь тархалтыг хэсэг зуур удаашруулахаас өөр бодит нөлөө үзүүлээгүй гэсэн дүгнэлт хийсэн гэдгийг “Bloomberg” уламжилсан байна.
Лонжинийн тооцсоноор COVID-19 вирус нь халдвар авсан нэг хүнээс 2-3 эрүүл хүнд халдварлан тархах чадвартай. Үүний дээр экспресс сорил буюу хэдхэн цагийн дотор вирусийг шуурхай илрүүлэн тогтоодог сорил байхгүй учраас халдвар цааш тархах нөхцөл бүрэлдэж байна гэж үзсэн байна. Тэрээр “Тусгаарлаж, хөл хорих замаар вирусийг зогсоож чадахгүй” гэж мэдэгджээ.
Сэтгэгдэл (0)
Сэтгэгдэл бичигдээгүй байна