ЭМЯ-наас коронавирусийн цаг үеийн асуудлаа мэдээлэл хийж байна.

Коронавирусын халдварын голомт болсон Ухань хотод суралцаж байсан 31 иргэнийг Засгийн газраас авчран, ХӨСҮТ-д тусгаарлаад байгаа. Тэд ирээд 15 хонож байгаа бөгөөд хоёр удаа шинжилгээнд хамрагджээ. Ингэхэд шинжилгээний хариунууд сөрөг гарсан тул өнөөдөр эмнэлгээс гаргахаар болсон байна.

"Ухань хотоос ирсэн оюутнуудын давтан шинжилгээний дүн сөрөг гарсан. Иймд манай эмч нар хуралдаад эмчийн хяналтад гаргахаар шийдсэн" гэж ХӨСҮТ-ийн дарга, доктор Д.Нямхүү хэллээ. 

Өнөөдөр зарласан шинэ халдварын тохиолдлуудын 1,282 нь зориулалтын оношлуураар, 1,138 нь бусад оношилгооны аргаар илэрсэн юм байна. Өнөөдрийн шинэ тоо бари мтыг нэмж тооцвол дэлхий даяар шинэ коронавирусийн халдварын 66,894 тохиолдол бүртгэгдэж, 1,523 хүн нас барж, 7,820 өвчтөн бүрэн эдгэрчээ.  

Завхан аймгийн Сонгино суманд шинэ коронавирусийн сэжигтэй тохиолдол бүртгэгджээ

Завхан аймгийн Сонгино суманд шинэ коронавирусийн сэжигтэй тохиолдол илэрсэн тухай мэдээлэл өчигдөр  /2020-02-14/ 12:18 цагт аймгийн Эрүүл мэндийн газарт ирсэн байна. Хоёрдугаар сарын 13-ны өглөө 04:30 цагт Улаанбаатар хотоос хувийн машинаар Сонгино суманд ирсэн иргэдийг сумын Эрүүл мэндийн төвөөс үзлэг шинжилгээнд хамруулж, зөвлөгөө мэдээлэл өгөх үед иргэдийн биеийн байдал хэвийн байжээ. Гэвч долоон настай хүү З нь хоёрдугаар сарын 14-ний өглөөнөөс эхлэн халуурч 11 цагийн үед сумын Эрүүл мэндийн төвд ирж үзүүлэхэд өвчтөн 38.5 хэмийн халуунтай байсан тул тусгаарлах арга хэмжээг шуурхай авчээ. 

Нэгдүгээр хавьтлын 11 иргэнийг шинжилгээнд хамруулахад биеийн байдал хэвийн байна. Одоогоор 15 иргэнийг тусгаарлаж, шинжилгээний сорьцыг ХӨСҮТ-д хүргэхээр 2020 оны хоёрдугаар сарын 14-ний өдрийн 20:50 цагт Сонгино сумаас Улаанбаатар хотруу хөдөлсөн байна.