Охидын аав,ээж хандивын мөнгөөрөө эмнэлгүүдэд аппарат авч өгчээ

Дархан-Уул аймагт бага насны гурван охин хэрэглээний халуун усанд түлэгдэн амь насаа алдсан харамсалтай үйл явдал болсон. Иргэд, олон нийтийн зүгээс охидын ар гэрт зориулж хандив өгөөд байсан юм. Тэгвэл охидын аав, ээж цугларсан хандивын мөнгөөрөө эмнэлгүүдэд аппарат авч өгсөн байна. Тодруулбал ГССҮТ, Сэлэнгэ, Орхон, Дархан-Уул аймгийн нэгдсэн эмнэлгийн хүүхдийн тасгуудад хүчилтөрөгч өтгөрүүлэгч аппарат, отсос буюу цэр соруулах аппарат, утлагын аппарат гурван ширхэгийг тус бүр авч өгчээ.