ЗГ: 90 хоногийн хугацаанд үндсэн зээл, зээлийн хүүг төлөхгүй байхаар шийдлээ

Засгийн газрын хуралдаан болж байна. Зарим шийдвэрийн талаар Санхүүгийн тогтвортой байдлын зөвлөлийн гишүүн, Монголбанкны ерөнхийлөгч танилцуулж байна.

Мэдээллийг тодруулбал, мянга орчим иргэн нэг их наяд төгрөгийн зээлтэй байгаа ба түүнийг нааштайгаар шийдүүлэхээр банкнуудад саналаа ирүүлсэн байна.
Нэгдүгээр сарын сүүлээс хойш ямар төрлийн зээл дээр ямар хүндрэл гарсныг судлаад явж байна. Зарчмын хувьд боломжтой гэсэн шийд гарсан. Нийт хэрэглэгчдийн 90 гаруй хувь нь хэрэглээний зээл байна. Тиймээс гурван сар буюу 90 хоногийн хугацаанд үндсэн өр, зээлийн хүүг төлөхгүй байхаар шийдлээ. Өөрөөр хэлбэл, 90 хоног зээлийн хүүгээ төлж чадаагүй иргэнийг “муу зээлдэгчийн жагсаалт”-д оруулахгүй гэлээ.