2020/09/20
USD 2,811

Хубэй муж өнөөдөр хөл хориогоо цуцлана

О.Шүрэнцэцэг
2020/03/25

Шинэ коронавирусийн тархалтын анхны голомт болсон Хятадын Хубэй мужийн хөл хорионы дэглэмийг  өнөөдрөөс  эхлэн зогсоох болсныг Бээжингийн эрх баригчид мэдээлжээ.

Тус мужийн төв Ухань хотын хөл хориог дөрөвдүгээр сарын 8-наас цуцлахаар болсон байна. Ингэснээр иргэд тус мужаас чөлөөтэй гарч явах, мөн мужийн нутаг дэвсгэрт зорчих боломжтой болж байна. 

Ухань хот болон Хубэй мужийн өөр хэд хэдэн хот нэгдүгээр сарын сүүлээс эхлэн гадаад ертөнцөөс бүрэн тусгаарлагдсан юм.