​ Коронавирусээр далимдуулсан залиланд 117 сая төгрөгөө алджээ

Коронавирусийн халдвараас сэргийлэх эхний алхам болох амны хаалт, хамгаалах хэрэгслийг хямдхан борлуулах талаар зар тарааж, иргэдийг хохироосон хэргүүд гарч байгааг цагдаагийн байгууллагаас анхааруулж байна.
Одоогийн байдлаар энэ төрлийн 25 дуудлага мэдээлэл ирсэнийг мөрдөн шалгаж байна.

Тухайлбал: БНХАУ-ын Эрээн хотод амьдардаг Монгол улсын иргэн Д гэгч нь 2020 оны 01 дүгээр сарын 31-ний өдөр “маск их хэмжээгээр нийлүүлнэ” гэж иргэн Б-д санал болгож 8.400.000 төгрөг шилжүүлэн авч залилсан.

“Онлайн шоп”-оор маск худалдана гэсэн зарын дагуу иргэн Г, М нар нь Холбооны Бүгд Найрамдах Герман улсын Esta parmasitcalius компанируу энэ оны 03 дугаар сарын 02-ны өдөр 117.0 сая төгрөгний урьдчилгаа шилжүүлэн залилуулсан зэрэг хэргүүд гарчээ. Иймд эзэн холбогдогч нь тодорхойгүй зард итгэж, хохирохгүй байхыг сэрэмжлүүлж байна.