2020/04/03
USD 2,773

Арилжааны банкууд: иргэд зээлээ хуваарийн дагуу төлнө

О.Шүрэнцэцэг
2020/03/26

Өнгөрөгч долоо хоногт Засгийн газар хуралдаж хэрэглээний зээлийн хүү болон үндсэн өрийг 90 хоногийн хугацаанд төлөхөөргүй болгож, хойшлуулах шийдвэр гаргасан. Уг шийдвэр бүх арилжааны банк болон Банк бус санхүүгийн байгууллагуудад хамаатай бөгөөд цалин, тэтгэвэр, ипотекийн бүх зээл хамрагдана гэдшийш мэдэгдэж байсан.  Гэвч уг шийдвэрээс хойш долоо хоног өнгөрсөн ч банкууд иргэдийн зээлийг хойшлуулах ямар нэгэн арга хэмжээ авч эхлээгүй байна.

Засгийн газрын шийдвэрийг Сангийн сайд Ч.Хүрэлбаатар, Монгол банкны ерөнхийлөгч Б.Лхагвасүрэн нар танилцуулахад зээлдэгч нар 90 хоног цаашлаад 180 хоног санаа амар байж болох юм гэсэн ойлголттой болсон байсан. Зээлээ нэхсэн банк болон банк бус санхүүгийн байгууллагад иргэд төрийн шийдвэрийг танилцуулахад “Одоогоор төв банкнаас ямар шийдвэр, болон чиглэл ирээгүй” гэх хариултыг өгч байна.

Тиймээс бид арилжааны банкууд руу холбогдож “зээл хойшлуулах” Засгийн газрын шийдвэрийг хэрэгжүүлж байгаа эсэх талаар тодрууллаа.

Голомт банк: Зээлээ төлөхгүй байж болохгүй. Орлого нь орж байгаа тохиолдолд төлөх л ёстой. Яг “COVID-19” халдвараас болоод байгууллага нь хаагдаад, цаашид үйл ажиллагаа нь хэвийн явна гэсэн албан бичиг, тодорхойлолтоо авчраад бүх материалыг нь судлаад үнэхээр тийм байвал зээлийн эдийн засагчтайгаа ярилцаад шийдэх боломжтой.

Худалдаа хөгжлийн банк: Төр засгаас гаргасан шийдвэр бол иргэд зээлээ төлөхгүй шийдвэр биш юм. Зээлтэй хүмүүс зээлээ заавал төлнө. Харин үйл ажиллагаа, орлого зайлшгүй нөхцөл байдлаас болж тасалдсан бол зээл авсан салбарынхаа эдийн засагтай уулзаж, ярилцаарай.

Хаан банк: Иргэдийг зээлээ төлөхгүй бай гэсэн шийдвэр гараагүй гэдгийг хэлэх нь зүйтэй. Бид бас эцсийн байдлаар нарийн мэдээлэл аваагүй байна. Хэрвээ хүсвэл салбар дээр ирээд гэрээний бүтэцдээ өөрчлөлт оруулаад хугацаагаа хойшлуулж болно. Ингэхдээ яг зээл авдаг шиг материалуудаа бүрдүүлж ирнэ.

Төрийн банк: Юуны өмнө иргэд зээлээ төлдгөөрөө төлнө гэж ойлгох хэрэгтэй. Зээлээ төлж чадахгүй байдалд орсон иргэдийн зээл болон хүүгийн төлөлтийг гурван сараар хойшлуулж л байгаа болохоос огт төлөхгүй боллоо гэсэн үг биш юм. Иргэд өндөржүүлсэн бэлэн байдлын онцгой нөхцөлийн улмаас орлого, ашиг нь багассан учраас зээлээ төлж чадахгүй байдалд орсноо нотлох баримт бичигтэйгээ ирээд зээлийн бүтэцдээ өөрчлөлт оруулах боломжтой. Энэ талаар дэлгэрэнгүй мэдээллийг тухайн зээл авсан манай банкны салбар дээрээс мэдээлэл авч, эдийн засагчаасаа зөвлөгөө авах хэрэгтэй.

Хас банк: Санхүүгийн бэрхшээлийг даван туулахад нь дэмжлэг үзүүлэх зорилгоор зээлийн гэрээний нөхцөлд өөрчлөлт оруулж, үндсэн төлбөрийг хойшлуулах, хугацааг сунгах, хугацаа хэтэрсэн тохиолдолд торгуулийн хүү, алдангиас чөлөөлөх шийдвэрүүдийг гарган ажиллаж байна. Одоогийн байдлаар бид 568 гаруй бизнес эрхлэгчийн 37.1 тэрбум төгрөгийн зээлийн гэрээний нөхцөлд өөрчлөлт оруулаад байна. Харилцагчид  онлайнаар хүсэлтээ илгээн шийдвэрлүүлэх боломжтой.  Мөн Монголбанкнаас гаргасан зээлийн ангилалд түр хугацаанд өөрчлөлт оруулах шийдвэрийг ХасБанк дэмжин хүлээн авсны зэрэгцээ тус арга хэмжээг шийдвэр, өөрчлөлтүүд тодорхой болсны дараа шат дараалалтайгаар хэрэгжүүлэх болно. Харин хэрэглээний зээл авсан харилцагчдын тухайд зээлийн гэрээний нөхцөлд өөрчлөлт оруулах хүсэлтээ онлайнаар илгээж болох ч Монголбанкны журмын хэрэгжилт тодорхой болсны дараа шийдвэрлэгдэнэ хэмээн мэдэгдэл гаргажээ.

Ийнхүү аль ч банк өнөөдрийн байдлаар Засгийн газар, Санхүүгийн тогтвортой байдлын зөвлөлөөс гаргасан  зээлийн төлбөр болон хүүг хойшлуулах шийдвэрийг мөрдөөгүй байна. Коронавирусээс үүдэлтэй эдийн засгийн нөхцөл байдал хүндрэх болсон үед тэд тодорхой алхам хийж, зээлийн хүү, төлбөр хойшлуулахад анхаарна гэж хэлж байсан. Монгол банк ч бодлогын хүүгээ бууруулах замаар дэмжлэг үзүүлсэн юм.  Засгийн газрын шийдвэрийг Сангийн сайд Ч.Хүрэлбаатар, Монгол банкны ерөнхийлөгч Б.Лхагвасүрэн нар танилцуулахдаа зээлдэгч нар 90 хоног цаашлаад 180 хоног санаа амар байж болох юм гэсэн ойлголттой болсон. Зээлээ нэхсэн банк болон банк бус санхүүгийн байгууллагад иргэд төрийн шийдвэрийг хэлэхэд“Одоогоор төв банкнаас ямар шийдвэр, болон чиглэл ирээгүй” гэсэн хариултыг өгч байгаа юм.

Монгол банкнаас энэ талаар тодруулахад “Засгийн газрын хуралдааны дараах өдөр арилжааны банкууд болон банк бус санхүүгийн байгууллагад чиглэл өгч шаардлага хүргүүлсэн. Гэхдээ хэвийн төлөлттэй хүмүүст хамаарахгүй.  Covid-19 халдварын улмаас ажилгүй, орлого нь тасалдсан зээлдэгч нарт энэ шийдвэр хамааралтай. Бусад нь зээлээ хэвийн төлөөд явна. Ямартай ч чиглэлээ өгсөн. Банкууд шаардлагаа биелүүлэхгүй байна” гэсэн юм.

Харин энэ талаар Монголын Банкны холбоо “Өнөөдөр Монголын банкны холбооны Удирдах зөвлөл энэ асуудлаар хуралдана. Шууд хэрэгжих боломжгүй шийдвэр учраас Удирдах зөвлөл хуралдаад нэгдсэн нэг ойлголтод хүрсний дараа мэдээлэл өгнө” гэв.



Сэтгэгдэл (24)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 202.126.89.132
    2020/03/27

    Mongol bank ni eronhiilogch aldaatai medeelelee zalruulah medegdel hiih heregtei

    Хариулах
  • 122.201.21.221
    2020/03/27

    тэд шийдвэрээ танилцуулахдаа тэтгэврийн зээлэнд хүртэл энэ шийдвэр хамаарна гэчихээд одоо банкууд нь орлогогүй болсон гэдгээ нотол гэж байна. Угаасаа тѳл гэсэн агуулгатай биш үү ахмадын зээлээс харахад

    Хариулах
  • 66.181.161.64
    2020/03/27

    Зээлээ 3 сар ухрааж төлөхөд маш их дэм шүү. Бүсээ чангал гэх юм бүсээ тултал татсан ард иргэддээ жаахан энэрэлтэй хандах хэрэгтэй бна шүү. Төрийн сүлд өршөө.

    Хариулах
  • 66.181.184.183
    2020/03/26

    Цалингаа авж байгаа л гэхийн орх гэрийн нийт орлогоны 50 % байхгуй ганцхан хуний цалингаар амьдрах гэж ядаж байншдээ тэгээд тэр цалингынхан талын банк авчихна ийм байхад яаж амьдрах юм бэ хэцуу бншдээ яаж сэтгэл санаа тайван байх юм бэ

    Хариулах
  • 202.9.46.69
    2020/03/26

    Зээлээ тѳлѳхгүй гээгүй шүү дээ нээрээ Одоо ждү хэцүүл байна 3Сар ухарчвал тэр хугацаандаа хѳл хоио дужсахд ажил тѳрѳл эхлэх гээд л байна Ухрааж тус болооч Ард иргэддэээ..

    Хариулах
  • 202.9.46.69
    2020/03/26

    Энэ их ѳвчний үод ухраахыг гуйж байгаа болхоос бүүр тѳлѳхгүы гээгүй шүү дээ ?? Хжил тѳрѳлгүй болчоод Хѳл хорионд 3сар байж байна зэнлээ хийхэд маш хэцүүдэж байнаа Хоногын хоолоо яая гэж байна шүү дээ .Та бүхэн нэгийг бодож тунгаарыг хүсье ??

    Хариулах
    • 66.181.161.64
      2020/03/27

      нийтээрээ тийм байна шүү

  • 202.55.188.81
    2020/03/26

    Yahaw dee 3 sar hoishluulaad butsaagaad l tolno. Ter hoorond irged oorsdoo buten tsalingaaraa ajillaa amjuulj l baig. Teglee gd bank suirehgui. Bid mobile bolon internet bankaa ashiglasaar l bh bolno. Utsandaa medeellee awsaar l bn. Neg hun odort hichneen guilgee oorsdiin gar utsan deerees shiljuulj bga bilee. Ter bolgond 50 100 tog olon jil awch bga. 3sar hoishluullaa gd dampuurchihgui l bh. Butsaagaad l huutei ni tolood ehlene shdee.

    Хариулах
    • 66.181.161.64
      2020/03/27

      дэмжиж бна

  • 66.181.170.2
    2020/03/26

    Одоо тэгээд энэ асуудлаа яаж шийдэх гээд байгаам бэ, тэр Удирдах зөвлөл нь хуралдсан юмуу

    Хариулах
  • 202.126.89.1
    2020/03/26

    Үнэхээр хэтэрлээ. Яаж ч төлөх боломжгүй болоод иргэд зөвхөн зээлийн хугацааг хойшлуулах хүсэлт л тавьж байгаа. Яасан арчаагүй банкууд вэ. Тэртэй тэргүй иргэдийг хуу цөлмөж л зээл өгч байгаа. Үнэгүй зээл өгсөн мэт иргэдийг чирэгдүүлэхээ боль. Хүлээцтэй байх тусам даварч байна.

    Хариулах
    • 66.181.161.64
      2020/03/27

  • 66.181.161.2
    2020/03/26

    Хүмүүс мөнгө олох гээд хорио цээрээ зөрчөөд эхэлвэл яанаа. Вирус дэгдвэл хэн хариуцах вэ. Банкныхан хамгийн түрүүнд тусах магадлалтай хүмүүс.

    Хариулах
  • 103.10.21.30
    2020/03/26

    ЗГ ЕС эх орон ард түмнийхээ өмнөөс банкируудтай уулзаж асуудлыг ярьсан Тэд хүлээж авсангүй бүүр тоох ч үгүй байна Тэдэнд эх оронч сэтгэл хүн чанар алга Тэд ТӨР ЗАСАГ төрийн тэргүүнээ эх орноо ард түмнээ үл тоож байгаа юм шиг боловч банкны эзэд өөрсдийгөө хэн болохоо харууллаа ОРЛОГОГҮЙ ч гэсэн олон олон ААН жирийн ард иргэд чадлаараа ТӨРДӨӨ хандив тусламж дэмжлэг үзүүлэхийг хичээж байгаа энэ цагт БАНКНЫ ЭЗДИЙН АРЧААГҮЙ ХҮН ЧАНАРГҮЙ үйлдэл олны зэвүүцлийг төрүүлж байна ТА нар ЗГ ЕС г нам дарлаа гэж бодож байна уу харин та нар өөрсдийгөө хэн болохоо харууллаа БАНК ББСБ ХЗХ хон та нар төрөөс гарсан шийдвэрийг болох талаас нь яаралтай судлаж ард түмэндээ тусла ВИРУС ДАВАГДАШГҮЙ ХҮЧИН ЗҮЙЛ ШҮҮ ДЭЭ Банкны эзэд та нар хүн үү араатан уу ...Ээрч муурч өөрсдийгөө хамгаалаад байхаар Эх орон ард түмэндээ туслах цаг чинь ирчихээд байгааг ойлгодоггүй яачихсан дотортой эзэд вэ ТА ЭНЭ БИЕЭРЭЭ МӨНХ БИШ ....БАЙГУУЛСАН ГАВЬЯА САЙН ҮЙЛС САЙХАН НЭР ТӨРӨӨРӨӨ МӨНХ ШҮҮ ДЭЭ ...ЭРХЭМ БАНКИРУУДАА ТА НАР ЭР ОРОНДОО ХАЙРТАЙ ЮУУУУУУУУУУ

    Хариулах
    • 66.181.161.64
      2020/03/27

      дэмжиж бна

  • 202.179.31.11
    2020/03/26

    зээлээ төлж чадахгүй бол нэмж гэрээ байгуулна гэдэг үнэхээр иргэдийг чирэгдүүлэх зүйл болно. бид авсан юв чинь төлөх нь тодорхой шүү дээ. гэтэл 3 сар ч гэсэн зээлээ хойшлуулвал цалинтай бид жижиг сажиг өрөө төлж аваад нэг уужим амьсгалах боломж юм. энэ боломжийг бий болгоочээ банкуудаа

    Хариулах
    • 66.181.161.64
      2020/03/27

      санал нэг байна.

  • 66.181.161.68
    2020/03/26

    Tsalingiin zeeltei irged zeel, gerel bair geh met zardluudaa tuluud gar deer barag mungugui l ulddeg, negent avsan bol zeelee tuluh n bidnii uureg bolovch, 3 sar tsalingaa buten avaad amar baih n gej ih bayarlaj bailaa, tsaashid tuluhgui bish tuluud yavah n oilgomjtoi shuu dee, gargasan shiidveriig hed honogiin dotor shal uur bolgoj uurchilj, ard tumneer togloom hiij bga zasgiin gazriig dahin demjihguie, iimhen yumand hudlaa yarij shiidveree uurchilj bgam chin uur yamar ch ajil hiihgui n todorhoi

    Хариулах
  • 59.153.112.48
    2020/03/26

    Иргэдээ гэдэггүй юм бол, Иргэд сонголтоо битгий хий

    Хариулах
  • 45.67.96.97
    2020/03/26

    Mongolchuud bid nar edgeer bankuudaar uilchluulhee zogsooh heregtei bi lav munguu tataj avsan haan banknaas

    Хариулах
  • 66.181.161.78
    2020/03/26

    Гадны банкнууд шиг бага биш ч жиилийн 5% байхад монголын үйлдвэрүүд сэргээд л ирнэ.эднийг бүр харилцагчгүй болгож үззүүлэх хэрэгтэй.улсын доторхи улс юмууу

    Хариулах
  • 124.158.106.17
    2020/03/26

    Монгол улсын нутаг дэвсгэр дээр үйл ажилгаа явуулдаг хувийн этгээдүүд төр засгийн шийдвэрийг дагаж чадахгүй бол зайгаа тавиад яваач дэээ. Өөр хүү багатай банкыг оруулаж ирэх цаг нь болсон бмаар л юм!

    Хариулах
  • 66.181.161.78
    2020/03/26

    Гадны банк оруул эдний ноёрхолыг нураах хэрэгтэй

    Хариулах
  • 59.153.113.250
    2020/03/26

    төрөөс гаргасан шийдвэрийг хэрэгжүүлээч энэ банкууд. Төрийн албан хаагчид ч гэсэн бүтэн цалингаа авахгүй байгаа шдэ багш нар.

    Хариулах