Дотоодын тусгай нислэгээр 126 Монгол оюутан ирсэн байна

Дөрөвдүгээр сарын 11-ний өдөр Москвагаас Буриадын нийслэл Улаан-Үд хотоор дамжин Монгол руу буцахад Буриадын тал туслахаар болжээ.

 Тэгвэл SmartAvia агаарын тээврийн компанийн дотоодын тусгай нислэг дөрөвдүгээр сарын 11-ний өдөр Москвагаас оюутнуудыг тээвэрлэн Улаан-Үд хотын Байкал олон улсын нисэх буудал дээр газарсан байна.

Оюутнуудыг тав тухтай тээвэрлэх үүднээс хүн бүрт хуурай хүнс,  дурсгалын зүйлс бэлджээ. Тэднийг дөрвөн автобусанд суулган, хамгаалалтанд цагдаагийн машинаар дагалдуулан Хиагт хотруу хүрэхээр хөдөлсөн байна.Дотоодын тусгай нислэгээр 126 Монгол оюутан эх орондоо ирсэн байна.