Өнгөрсөн долоо хоногт БСШУС-ын сайд Ё.Баатарбилэг сургууль, цэцэрлэг танхимын сургалтыг есдүгээр сарын 01 хүртэл зогсоосон талаар мэдээлсэн. Уг шийдвэртэй холбогдуулан:
- Танхимын хичээл, сургалт зогссон ч теле хичээл зургадугаар сарын 1 хүртэл үргэлжилнэ,
- Сурагчдыг хоёрдугаар улирлын дүнгээр тооцож анги дэвшүүлнэ,
- Хүүхэд улираах, дахин сургах асуудал гарахгүй,
- Төгсөх ангийн сурагчдын ЭЕШ-ыг долдугаар сарын 2-нд явуулна,
- Их, дээд сургуулийн элсэлтийг долдугаар сарын 8,9-нд зохион байгуулна,
- Энэ жил элсэгчдээс монгол хэл, бичгийн шалгалтыг авахгүй,
- Цэцэрлэг болон хувийн сургуулийн хаврын бүртгэлийг наймдугаар сарын хоёрдугаар хагаст зохион байгуулна,
- Энэ жил есдүгээр анги төгсөж байгаа сурагчдын дунд улаан шугам татахгүй, МСҮТ-д элсэх, эсвэл үргэлжлүүлэн ЕБС-даа суралцах эсэхээ сурагч өөрөө шийдэх аж.