Европын холбооны улсаас ОХУ-аар дамжин Алтанбулаг боомтоор орж ирсэн тээврийн жолоочоос COVID-19 илрээд байгаа юм. Үүнтэй холбоотойгоор Улсын онцгой комисс /УОК/ өчигдөр /2020.04.20/ хуралдаж хөл хөдөлгөөнийг хязгаарлах зарим шийдвэрүүдийг гаргасан билээ.
Тодруулбал Дархан, Сэлэнгэ, Улаанбаатар луу орох, гарах хөдөлгөөнийг дөрөвдүгээр сарын 26-ны 06.00 цагт хүртэл хязгаарлах шийдвэр гаргаад байгаа юм. Налайх дүүрэг, Өлзийт хороолол, Гүнт, Эмээлт, зэрэг товчоодыг бүрэн хаасан.
06:00 цаг
Хөл хорионы хязгаарлалтад ороогүй бусад аймгийн хувьд Улаанбаатар хот , Дархан-Уул аймаг, Сэлэнгэ аймгаас өөр аймгууд руу зөвхөн хоорондоо зорчих хөдөлгөөн хийж болох юм.
09:00 цаг
Улаанбаатар хот , Дархан-Уул аймаг, Сэлэнгэ аймгаас гадна бусад аймгуудын онцгой комиссын шийдвэрээр аймаг, сумд руу орох гарах хөдөлгөөнийг ч бүрэн хаажээ.