Амьд хөгжимд дурлагч хэн бүхний тэсэн ядан хүлээдэг “Playtime” амьд хөгжмийн наадам энэ жил долдугаар сарын 16-наас 19-нд болохоор тов зарлаж, тасалбараа цахимаар борлуулаад байсан билээ.Тэгвэл уг наадмыг зохион байгуулагчдын зүгээс мэдэгдэл гаргажээ. Дэлхийн эрүүл мэндийн байгууллагаас Монгол Улсад халдвар тархах өндөр эрсдэлтэй болохыг байнга сануулж байгаа учраас Засгийн газраас авч хэрэгжүүлж байгаа шуурхай арга хэмжээг хэрэгжүүлж товоо хойшлуулахад хүрсэн байна.
Иргэдийн худалдан авсан тасалбар албан ёсоор 2021 онд шилжиж, хүчин төгөлдөр үйлчлэх юм байна. Улмаар “Playtime 2020” наадмын тасалбар худалдан авсан хүн бүрт 2021 оны шинэчилсэн тасалбарыг и-мэйлээр хүргүүлэх юм байна.
Түүнчлэн 2021 онд Playtime наадмын 20 жилийн ой тохиож байгаа учраас хамтлагууд, хамрах хүрээ, агуулгын хувьд улам баялаг болно гэдгийг дуулгажээ.
Сэтгэгдэл (0)
Сэтгэгдэл бичигдээгүй байна