Удирдлагын багаар нь өөрчлөх хүсэлт гарч, эхний ээлжинд С.Эрдэнэтуулыг чөлөөллөө

Баянзүрх дүүргийн 26 дугаар хорооны нутаг дэвсгэр, Үндэсний цэцэрлэгт хүрээлэнгийн талбайн урд хэсэг, Туул гол дагуух Маршалын гүүрнээс зүүн тийш орших “Хан талст” ХХК-ийн зөвшөөрөлгүй газарт барилгын ажлаас үүдэлтэй  усан толионд өсвөр насны дөрвөн хүүхэд эндэж, амь насаа алдсан харамсалтай хэрэг гарсан. Тус газар нь наран шарлагын газар байгуулах зөвшөөрөлтэй байсан ч хашаа хатгаагүй барилга барьж, зөвшөөрөлгүй үйл ажиллагаа явуулснаас дөрвөн хүүхдийн амь эрсдсэн гэдгийг албаныхан мэдээлж байгаа юм. 

Нийслэлийн Засаг даргын зүгээс болон НЗДТГ-аас, мэргэжлийн байгууллагуудын зүгээс  удаа дараа хяналт шалгалт хийж, үйл ажиллагааг нь зогсоох албан шаардлагуудыг хүргүүлэн, зөрчил арилгах хугацаатай мэдэгдэл өгсөн ч “Хан талст”  ХХК-ийн үйл ажиллагаанд хяналт тавиагүй, үйл ажиллагааг нь зогсоох арга хэмжээ авч ажиллаагүй, аюулгүй ажиллагааны журмыг баримталж ажиллаагүй гэх мэт үндэслэлээр өнөөдөр /2020.05.28/Үндэсний цэцэрлэгт хүрээлэнгийн захирал С.Эрдэнэтуулыгг  үүрэг ажлаас нь чөлөөлжээ.