Азийн хөгжлийн банкнаас дөрвөн аймгийн дөрвөн суманд “Хоршоолсон хэлбэрээр ногооны аж ахуй эрхлэх замаар өрхийн амьжиргааг сайжруулах” төслийг хэрэгжүүлж эхэлжээ.
Төслийн гол зорилго нь ногоочдыг хоршиж хамтарч ажиллахад сургаж, материаллаг баазыг бэхжүүлэх, хамтын сан бүрдүүлэх, зах зээлийг нэмэгдүүлэхэд дэмжлэг үзүүлэх замаар ажилгүйдэл ядуурлыг бууруулах, дотоодын үйлдвэрлэлээр хүнсний ногооны хэрэгцээг хангах, өрхийн амьжиргааг сайжруулахад оршжээ.
Дархан-Уул аймгийн Орхон суманд амьдарч, хүнсний ногоо тариалдаг 70 өрх энэхүү төсөлд хамрагдсан байна. Тэд 10 бүлэг байгуулж сургалтад хамрагдаж мэдлэг мэдээллээ өргөжүүлэн хамтран ажиллах эхлэлээ тавьсан. Харин энэ онд төслийн зүгээс 10 бүлэг тус бүрд 6*20 –ийн харьцаатай нэг хүлэмж, зорилтот бүлгийн өрхүүдэд 4*6 харьцаатай 27 хүлэмжийг тус тус дуслын усалгааны төхөөрөмжийг хүлээлгэн өгсөн байна. Өнөөдөр /2020.05.28/ Улсын Их Хурлын гишүүн, Засгийн газрын гишүүн, Хүнс хөдөө аж ахуй, хөнгөн үйлдвэрийн сайд Ч.Улаан, Аймгийн Засаг даргын орлогч Т.Ганболд тэргүүнтэй албаны төлөөлөл дээрх өрхүүдэд төслийн хүрээнд трактор, тракторын иж бүрдэл, мотоблок, мотоблокийн иж бүрдлийг хүлээлгэн өглөө.
Ийнхүү төсөлд хамрагдсан өрхүүд хүлэмжээ барьж, тариалалт хийхэд шаардлагатай орчин үеийн тоног төхөөрөмжтэй болж байгаадаа баяртай байлаа.
Сэтгэгдэл (0)
Сэтгэгдэл бичигдээгүй байна