Б.Бямбасайханы өмгөөлөгч Н.Цогт өнөөдөр мэдээлэл хийхдээ "Бүх өмгөөлөгч шүүгчээс татгалзсан. Учир нь шүүгч өөрөө Да.Ганболдын өмгөөлөгчтэй холбогдоод "Хэрэг түдгэлзэх юм байна. Оролцох шаардлагагүй" гэж мэдэгдсэн. Үүний дараа эдгээр хүмүүсээс 5-10 тэрбум төгрөгийн барьцаа хөрөнгө байршуулахыг шаардсан. Боломжгүй үнийн дүнтэй мөнгийг гурав хоногийн дотор байршуул гэсэн. Ингээд цагдан хорьсон. Би гомдол гаргасан. Шүүгч нар албан тушаалаа ашиглан хэн нэгний эрх ашгийг зөрчсөн бол шалгадаг хуультай. Ч.Сайханбилэг гэдэг хүнээс асуухаар "Улс төрийн шийдвэр гаргасан. Би зөв зүйл хийсэн" гэж байна. Энэ хүнийг авчирч тайлбар аваач гэж байгаа. Прокурор,шүүх авчрах үүрэгтэй. Ажиллаж байна л гэсэн. Тэр хүн ирж тайлбараа хийх хэрэгтэй. Ч.Сайханбилэгийн Засгийн газарт ажиллаж байсан гурван сайдыг дуудсан. Хэн нь ч ирээгүй. Тухайн үед Сангийн сайдаар ажиллаж байсан Ж.Эрдэнэбат ирж тайлбараа өгөх ёстой. Тэгээгүй байж шийдвэр гаргах гээд байгаа нь анхнаасаа тохирсны илрэл гэж хардаж байна" гэх мэдээллийг өгсөн.
Оюутолгойн хөрөнгө оруулалтын гэрээтэй холбоотой таван хүнийг Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхэд шүүж байгаа юм. Тэгвэл шүүгдэгч Б.Бямбасайханы өмгөөлөгч шүүх танхимыг орхин гарч өмгөөлөгчгүй шүүгдэж байна.
Шүүгдэгч Д.Ганболдын тухайд шүүгчээсээ татгалзах хүсэлтийг гаргасан талаар бид өмнө нь мэдээлсэн билээ.
Сэтгэгдэл (0)
Сэтгэгдэл бичигдээгүй байна