Шадар сайд асан Ө.Энхтүвшингийн хүү Э.Золбоо дэд сайд болно

Тусгай үүргийн онгоцоор Монголд ирлээ гэх хэл аманд өртөөд байсан Шадар сайд асан Ө.Энхтүвшингийн төрсөн хүү Э.Золбоо Барилга хот байгуулалтын дэд сайдаар ажиллахаар болжээ. Тэрбээр Нийгмийн ардчилал монголын залуучуудын холбооны Нарийн бичгийн даргаар ажилладаг аж.

1983 онд Улаанбаатар хотод төрсөн. Эхнэр, хүүхдүүдийн хамт амьдардаг. 2000 онд Улаанбаатар хотын 1 дүгээр дунд сургууль, 2007 онд  АНУ-ын Индианнагийн их сургууль, 2020 онд АНУ-ын Лос Анжелес хотын Пеппердинийн Их Сургуулийг тус тус төгссөн. Улс төр судлаач мэргэжилтэй. Хууль зүйн ухааны магистр зэрэгтэй. 2007-2008 онд Мэргэжлийн хяналтын ерөнхий газарт мэргэжилтэн, 2008-2010 онд Блүүмингтон ХХК-ийн гүйцэтгэх захирал, 2008-2012 онд ХУД-ийн Иргэдийн төлөөлөгчдийн хурлын төлөөлөгч, 2012-2015 онд Блүүмингтон ХХК-ийн гүйцэтгэх захирал, 2014-2016 онд МАН-ын Ерөнхий нарийн бичгийн даргын зөвлөх, 2015-2018 он хүртэл НАМЗХолбооны Дэд ерөнхийлөгч, Ерөнхий нарийн бичгийн дарга, 2018 оноос Монгол Улсын Ерөнхий сайдын зөвлөхөөр ажиллаж байна. Улсад 13 жил ажилласан.