"Монос Косметик ХХК" гар ариутгагч төхөөрөмжийг Монголдоо үйлдвэрлэлээ

Монголын гоо сайхны бүтээгдэхүүн үйлдвэрлэлийн "Монос косметик компани" "Санитас брэнд", "Яруу брэнд" хамтран нян бактерийг гараас гарт дамжих эрсдэлийг 100 хувь бууруулах гар ариутгагч төхөөрөмжийг шинээр зохион бүтээжээ. "Монос Косметик ХХК"- нь нийгмийн хариуцлагын хүрээнд ард иргэдийнхээ эрүүл мэндэд онцгой анхаарч, эрдсэлийг бууруулах зорилгоор 500 ширхэг Санитас гар ариутгагч гель болон 3 ширхэг “Санитас гар ариутгагч төхөөрөмж”- ийг ЭМЯ-д хандивлалаа.

100 хувь дотооддоо үйлдвэрлэсэн "Санитас" гар ариутгагч төхөөрөмж нь зургаан сарын баталгаат хугацаатай юм байна. Мөн механик ажиллагаатай учраас тог цахилгаан шаардахгүй, эвдрэл гэмтэл гарахгүй зэрэг олон давуу талуудыг өөрт шингээжээ.