2013 онд сураггүй болсон эрэгтэйн цогцсыг гүний худгаас олжээ

БЗД-т оршин суудаг иргэн “М” нь 2013 оны 10 дугаар сарын 31-нд гэрээсээ гараад сураггүй алга болсон тухай цагдаагийн байгууллагад ар гэрээс нь ирүүлжээ.

Энэхүү мэдээллийн дагуу цагдаагийн байгууллагаас хэрэг нээн шалгасны эцэст 1968 онд төрсөн “Г” нь талийгаач “М”-тэй 2013 оны тухайн өдөр танилцаж, гэртээ дагуулан очиж, согтууруулах ундааны зүйл хэрэглэн амь насыг нь хохироожээ. Улмаар талийгаачийн цогцсыг хашаандаа байх гүний худагт хийж булсан байсныг Цагдаагийн байгууллагаас  илрүүлэн шалгаж байна.

Хэргийн холбогдогч Г-г ШШГЕГ-ын харьяа цагдан хорих 461 дүгээр ангид цагдан хорих таслан сэргийлэх арга хэмжээг авчээ.