Эрдэмтэд COVID-19-өөс үүдэлтэй нас баралтыг багасгахын тулд улс орон бүр дэх эндэгдлийн тоо юунаас хамааралтай байгааг тодруулахаар уйгагүй ажиллаж байгаа. Тухайлбал, Гумболдтын нэрэмжит Берлиний их сургуулийн дэргэдэг эмнэлэгт судалгаа хийг Жан Бускегээр удирдсан эрдэмтэд хоол хүн бас COVID-19-ийн эндэгдлийн хооронд хамаарал байгааг тогтоосон байна. Эдгээр эрдэмтэд Жон Хопкинсын их сургуулийн өгөгдөл дээр тулгуурлаад Европын орнуудад Герман, Австри, Чех, Польш, Словак ба Финландад COVID-19-ийн эндэгдэл хамгийн бага байгааг тогтоосон. Эдгээр улсууд дах корона вирусийн халдвар авагсдын дундах нас баралт 4 хувиас хэтрэхгүй байгаа. Харин Бельги, Франц, Итали, Их Британи гэсэн орнуудад нас баралт 10 хувьтай. Эдгээр улс орны иргэдийн хүнсэндээ давамгай хэрэглэдэг бүтээгдэхүүний нэр төрөл нь нас баралтын түвшинд нь нөлөөлсөн гэж эрдэмтэд үзсэн байна.
Улмаар судалгааны явцад нас баралт бага байгаа улсуудын иргэд түүхий болон даршилсан байцааг хүнсэндээ хэрэглэдэг учраас COVID-19-ийн нас баралт бага байгааг тогтоосон байна. Түүхий болон даршилсан байцаа нь антиоксидант үйлчилгээ өндөр байдгаас гадна коронавирус эсийн дотор нэвтрэхдээ ашигладаг АСЕ2 нэртэй уургийн эсрэг үйлчилгээтэй байдаг аж. Түүнчлэн байцааг түүхий болон даршилсан хэлбэрээр хүнсэндээ өргөнөөр хэрэглэдэг Өмнөд Солонгос, Тайван зэрэг улсууд дах нас баралт бага байгаа нь үүний бас нэг нотолгоо гэж үзсэн байна. Үүнээс гадна Туркийн иргэд байцаа хэрэглэдгээс гадна сүү, тараг, сүүн бүтээгдэхүүн хүнсэндээ их хэрэглэдэг учраас корона вирусээс үүдэлтэй эндэгдэл 2,4 хувиас хэтрэхгүй байгааг эрдэмтэд онцолсон байна.
Сүү, тараг, сүүн бүтээгдэхүүн нь шээсний хүчлийг хүний биеэс гадагшлуулдаг, өөх тос ба нүүрс усны солилцоог хэвийг болгодог, кальци ба Д амин дэмийн эх үүсвэр болдог тул хүний дархлааг бэхжүүлэх нөлөөтэй байдаг учраас корона вирусийн эндэгдэлд нөлөөлдөг гэж судлаачид үзсэн байна.
°C
Сэтгэгдэл (5)