НАТО-ийн гишүүн орнуудын байлдааны онгоцнууд Оросын нутаг руу пуужингийн цохилт өгөх тактикийг сургуулилах болсон тухай ОХУ-ын Батлан хамгаалахын сайд Сергей Шойгу мэдээлсэн байна. НАТО нь Оросын хил рүү тагнуулын онгоц гол төлөв нисгэдэг байсан бол сүүлийн үед тактикаа өөрчилсөн гэдгийг Шойгуу мэдэгдээд “Харин одоо олон онгоц оролцсон бүлгээр пуужингийн дайралт хийхээр байрлалаа эзлэн сургууль хийдэг болоод байна” гэжээ. Тухайлбал, наймдугаар сарын 31-нд Балтын тэнгисийн дундын агаарын бүст Оросын хилийг чиглэн ниссэн дөрвөн онгоцыг Оросын сөнөөгчид амдан нисэж, чиглэлийг нь өөрчлүүлсэн юм байна. Эдгээр нь АНУ-ын стратегийн бөмбөгдөгч В-52 ба түүнийг хамгаалсан Дани, Швед, Германы сөнөөгч онгоцнууд байжээ. Долоо хоногийн дараа Хар тэнгисийн дээр Оросыг чиглэн нисэж явсан АНУ-ын стратегийн бөмбөгдөгч В-52-ыг мөн адилаар Оросын сөнөөгчид амдан нисэж, чиглэлийг нь өөрчлүүлсэн байна.
Сэтгэгдэл (0)
Сэтгэгдэл бичигдээгүй байна