Өнгөрсөн долоо хоногт Допингийн эсрэг үндэсний төвд Улсын их баяр наадамд шөвгөрсөн 16 бөхийн шинжилгээний хариу ирж, гурван бөхөөс допинг илэрсэн гэх мэдээлэл гараад байгаа юм. Тэднийг нэгийг нь Улсын аварга Н.Батсуурь гэх мэдээлэл гарсан. Тэгвэл уг мэдээлэл үнэн бөгөөд улсын аварга Н.Батсуурь өөрийн биеэр хариагаа зарлаж, мэдээлэл хийсэн юм.
Монгол улсын арслан Р.Пүрэвдагва хориотой бодис илэрсэн талаараа мөн л хүлээн зөвшөөрч байгаагаа илэрхийлжээ.
Тэрээр "Би урд шөнө хөдөөнөөс ирээд шинжилгээнийхээ хариутай танилцлаа. Хориотой эмийн жагсаалтад 300 гаруй бодис байдаг. Надаас нэг төрлийн бодис илэрсэн байна. Сүүлийн хоёр гурван жил хоёр хөлөө гэмтээсэн. Барилдаж байгаа хүний хувьд бусад бөхөөсөө нуух хаах юм байсан л даа. Эмчлэх гэж байгаад л мэдэхгүй эм тариа хэрэглэсэн бололтой. Зуунд нэрээ мөнхлөх торгон мөчийн өмнө ийм зүйл болсонд сэтгэл дундуурхан байна. Би санаатай ийм зүйл хийхгүй. Бөхөд хайртай Монголынхоо ард түмнээс уучлал хүсье" гэсэн юм.
°C
Сэтгэгдэл (35)