Эрүүгийн цагдаагийн албанаас өнгөрсөн хугацаанд нийт 18 бүлгийн 29 холбогдогчтой 76 хохирогчтой 23 хүн худалдаалах төрлийн гэмт хэргийг илрүүлэн шалгаж байна. Дээрх 76 хохирогчоос 22 нь насанд хүрээгүй хүүхэд байсан. Тухайлбал, Эрдэнэт хотоос гурван хүүхэд Улаанбаатар хотод ажил хөдөлмөр эрхлэхээр ирснийг Х гэгч этгээд тэдгээр охиныг анхаарал халамж сулыг далимдуулж, хорьж хүчээр биеийг нь үнэлүүлж, хүчээр бэлгийн мөлжлөг явуулж байсныг илрүүлсэн. Мөн удаа дараалан насанд хүрээгүй эмэгтэйчүүдийг цахим хаягаар олзлон хүчээр биеийг нь үнэлүүлэх зэрэг гэмт хэргийг Эрүүгийн цагдаагийн албанаас илрүүлэн дараагийн шат руу шилжүүлээд байна.
Эрүүгийн цагдаагийн албанаас садар самууныг сурталчилсан, биеэ үнэлэлтийг зохион байгуулсан 28 фэйсбүүк хуудсыг хаалгахаар Харилцаа холбооны зохицуулах хороонд хүргүүлээд байна.
Сэтгэгдэл (0)
Сэтгэгдэл бичигдээгүй байна