Өнгөрөгч Ням гарагт буюу 9 дүгээр сарын 20-ны өдөр Баянзүрх дүүргийн 23 дугаар хорооны нутаг дэвсгэрт 9 настай Э охин хойд эцэг Б-н гарт амь насаа алдсан байж болзошгүй харамсалтай хэрэг гарлаа. Охиныг нас барах үед хойд эцэг нь согтуу байсан ба хэргийн газраас "Хараа" архины шил, олон тооны шар айрагны савыг баримт болгон авсан байна.
Талийгаач 9 настай Э нь айлын дунд охин бөгөөд ээж, хойд эцэг нар нь хамтран амьдраад нэг хүүхэд төрүүлсэн. Хүүхэд нь хөгжлийн бэрхшээлтэй учир талийгаач охиноор хүүхдээ харуулахаар Архангай аймгаас авчирсан байх гэж эх сурвалж мэдээлж байна.
Охин Нийслэлийн Ерөнхий боловсролын 87 дугаар сургуулийн 4 дүгээр ангид сурдаг. Тус сургуульд хоёрдугаар ангидаа Архангай аймгаас шилжин ирсэн бөгөөд өнгөрсөн жилийн хичээлийн жилд Архангай аймагт өвөө, эмээ дээрээ очин суралцаж байгаад энэ хичээлийн жилд тус сургуульд эргэн шилжин иржээ. 2 дугаар ангид бие даан авч байсан багшийн хэлж буйгаар "Охин хичээлдээ маш сайн сурдаг, царайлаг, шилбээрээ татсан урт үстэй, сэргэлэн охин байсан. Өвөө, эмээгийн охин байсан. Энэ жил манай сургуульд буцаж ирэхдээ өөр ангид элсэн орсон. Шилбээ татсан гоё үсээ тайрсан байсан харагдсан" гэлээ.
Бид уг хэргийн талаар эргэн мэдээлэх болно.
Сэтгэгдэл (0)
Сэтгэгдэл бичигдээгүй байна