Фиба U17 ур чадварын дэлхийн аваргуудын медаль ирлээ

Өнөөдөр U17 УР ЧАДВАРЫН ДЭЛХИЙН АВАРГУУДЫГ "Үндэсний олимдийн хорооны ерөнхийлөгч, Олимпийн аварга, Олимпийн дэд аварга" Н.ТҮВШИНБАЯР хүлээн авч уулзан, медалыг нь албан ёсоор гардуулжээ. Ковидоос болоод FIBA Швейцарь дахь төв оффисоосоо шуудангаар шагналыг нь илгээсэн юм.

Олон улсын сагсан бөмбөгийн холбооноос U17 насны дэлхийн аварга болсонд баяр хүргээд Монголын олимпын хорооны ерөнхийлөгч Н.Түвшинбаярт доорхи захидлыг ирүүлжээ.
Тус захидалд:
“Монголын сагсан бөмбөгчид U17 насны ур чадварын Дэлхийн аваргийн үеэр гайхалтай гүйцэтгэл үзүүлсэнд баяр хүргэе.
Бид танай залуу тамирчдын хүсэл эрмэлзэл, урам зориг, ур чадварыг үнэлж байгааг илтгэх үүднээс танд энэхүү захидлыг өгөхдөө таатай байна.
Дэлхийн дахинд хүнд хэцүү цаг үеийг өнгөрүүлж буй энэ үед биднийг дэмжиж байгаад талархаж байна. Бид энэхүү шинэ тэмцээн бүгдэнд нь таалагдсан гэдэгт итгэлтэй байгаа бөгөөд Монгол сагсан бөмбөгчдийг ФИБА-н дараагийн бүх арга хэмжээнд оролцохыг урьж байна" хэмээсэн байна.
Дашрамд хэлэхэд ирэх 2021 оноос FIBA олон улсын тэмцээнүүд явагдаж бид оролцож эхэлнэ.