2020/10/27
USD 2,811

Сэтгүүлчдийг төрийн ордонд хоттой хонь шиг хорьсон хэвээр байна

О.Шүрэнцэцэг
2020/10/01

УИХ-ын намрын ээлжит чуулган өнөөдөр нээлтээ  хийсэн юм. Парламентын сэтгүүлчид төрийн ордонд хоттой хонь шиг хорьсон хэвээр байна. Энэ талаар парламентын сэтгүүлчид байр сууриа илэрхийллээ.


Парламентын сэтгүүлчдийн холбооны ерөнхийлөгч  Ж.Алтангэрэл

Улс төрчид сэтгүүлчдэд мэдээлэл өгөх эсэх нь тухайн хүний эрхийн асуудал. Татгалзаж болно.Татгалзаж байна гэдгийг мэдээлж болно. Тухайн хүний эрх учраас үүнд хэвлэлийнхэн хүндэтгэлтэй хандах хэрэгтэй.Төрийн ордонд зөвшөөрөгдсөн хэд хэдэн тодорхой цэгүүдийн тоог нэмэх, байнгын хорооны хуралдаанд сайт, сонины сэтгүүлчид нээлттэй суудаг байя гэдэг хэд хэдэн санал гаргасан. Цаашид энэ боломжийг нээх ёстой.


itoim.mn сайтын сэтгүүлч Л.Одончимэг

Төрийн ордонд хүссэн мэдээллээ авах ямар ч боломжгүй байгаа. Ярилцлага авах гишүүнтэйгээ цагаа товлоод, хамгаалалтын албанд нэрээ өгөх оръё гэсэн ч оруулахгүй гэсэн. Хавраас хойш ажлаа хийх боломжгүй болсон. Цаанаас тараасан мэдээллийг нь аваад, чуулганыг онлайнаар дамжуулаад л сууж байна. 

 Eguur.mn сайтын эрхлэгч Ж.Мядагбадам

Сэтгүүлчд Төрийн ордноос хүссэн мэдээллээ авах боломжгүй болоод хоёр чуулган дамнаж байна. Намрын чуулган сэтгүүлчдэд нээлттэй, хүссэн мэдээллээ авах боломжийг бүрдүүлээд эхлэх болов уу гэсэн хүлээлт байлаа. Гэтэл тэгсэнгүй. 

Коронавирусээр далимдуулан хэвлэлийг, сэтгүүлчдийг зориуд хааж, боож байна. Иймд цаг үед хэвлэл мэдээллийн байгууллагууд ,сэтгүүлчид нэгдэн, тодорхой үр дүнд хүрэх хэрэгтэй.


News.mn сайтын сэтгүүлч Ш.Адъяамаа 

Өнгөрсөн хавраас хойш ийм хязгаарлагдмал нөхцөлд сэтгүүлчид ажиллаж байна. Хэдийгээр хөл хориог цуцалсан Төрийн ордонд сэтгүүлчид ажиллах эрх хаалттай хэвээр байгаа. Сэтгүүлчид өөрсдөө хүссэн үед л ярилцлага, тодруулга авах боломжтой. Энэ байдлыг өөрчлөх болов уу гэж хару байлаа. Бид мэдээллийг нээлттэй авмаар байна.



Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.161.56 |   2020/10/01
parliament hevleliinhend yamr negen horig hyazgaar tavij yhralt hiihgui baih shaardlagatai, bs hevleliinhen ch yos zuitei hariytslagatai mergejliin baih ychirtai
Хариулах
64.119.27.183 |   2020/10/01
Сэтгүүлчид ордноор хэсүүлсэнгүй гээд уурлаад байгаа юм уу
Хариулах
103.20.152.50 |   2020/10/01
Алтангэрэл ээ ....Монгол хэлээ сайн судлаж сайн эзэмшиж байж ярьж байгаа ч...."ядаж " гэдэг үг чинь тийм сайхан үг биш шүү дээ....Мөн 2 үг хэлээд "байгаа" байгаа" байгаа" гэж ярих аа зогсоогооч ...МОНГОЛ ХЭЛ МАШ БАЯЛАГ ШҮҮ ДЭЭ....Монголоор зөв сайхан,гоё үгээр ярих хэрэгтэй шүү дээ....
Хариулах