10-р сарын хоёрны өдөр "Сиркл К" дэлгүүрийн ариун цэврийн өрөөнд амаржсан эмэгтэй нярай хүүхдээ хогийн саванд орхисон хэрэг гарсан юм.
Тухайн хүүхдийн ээж болох 21 настай иргэнийг, ЧД-ийн цагдаагийн хэлтсээс олж тогтоон мэдүүлэг авчээ. Хүүхдээ тэжээх боломжгүй, оюутан учраас хаяхаар шийдсэн гэж мэдүүлжээ.
Одоогийн байдлаар хүү нь "Эх хүүхдийн эрүүл мэндийн үндэсний төв"-ийн Нярайн эрчимт эмчилгээний тасагт хүнд гэсэн оноштойгоор эмчлүүлж байна. Анх эмнэлэгт хүргэгдэн ирснээс биеийн байдал дээрдсэн, гэхдээ амьсгалын дутагдалд орсон хэвээрээ байгаа гэж ЭХЭМҮТ-ийн жижүүр эмч Т.Сайнжаргал мэдээлэв.
Эмчлүүлж буй няхай хүүгийн ар гэрээс хэн ч ирээгүй бөгөөд ээж нь очиж эргээгүй байна. Хүүхэд яг хэдэн сартай вэ гэдгийг мэдэх боломжгүй гэж эмч хэлж байна. Нярай 1 кг 100 гр жинтэй, 37 см-тэй хүү гэсэн мэдээллийг эмнэлгийн байгууллагаас бидэнд өгсөн юм.
"Сиркл К" дэлгүүрээр үйлчлүүлсэн таван эмэгтэй ариун цэврийн өрөөнд чинь юм дуугараад байна гэж ажилтнуудад анх мэдэгджээ. Энэ дагуу тус дэлгүүрийн худалдааны төлөөлөгч А.Ганзориг ариун цэврийн өрөөнд хүүхэд байхыг мэдээд цагдаагийн байгууллагад хандсан байна. Хүүг анх харахад доошоо харсан байдалтай, бие нь тэр чигтээ кофены шаар болсон уйлж байсан аж. Тус дэлгүүрийн ажилтан А.Ганзориг нь кофены шаар болсон хүүгийн хамар, амыг нь цэвэрлэж амьсгалуулсан байна.
Хүүхдээ хаясан ээж эрүүгийн ялтай. Эрүүгийн хуулийн 16,3 -р зүйлд зааснаар хүүхдийн хаях, төөрүүлэх, тэнүүчлэлд хүргэсэн тохиолдолд нэгээс таван жилийн хорих ялтай. Хүүхэд хаяснаас амиа алдвал 5-10 жилийн хорих ялтай аж.
°C
Сэтгэгдэл (145)