Энэ жилийн улсын наадамд шөвгөсөн 16 бөхийн гурваас нь допинг илэрсэн гэх мэдээлэл цацагдаад байгаа. Эхнээсээ допинг илэрсэн бөхчүүд Монгол Улсын аварга Н.Батсуурь, P.Пүрэвдагва нар хориотой бодис илэрснээ хүлээн зөвшөөрч, уучлалт гуйж эхэлсэн.
Үндэсий Их баяр наадмын хүчит бөхийн барилдаанд шөвгөрсөн 16 бөхөөс авсан допингийн шинжилгээний хариуг зарлах юм.
Энэ жилийн үндэсний их баяр наадмаар дээгүүр барилдсан бөхчүүдээс допинг илэрсэн гэх мэдээллийг бид өмнө мэдээлсэн. Энэ талаар Улсын аварга Н.Батсуурь допингийн асуудлаар мэдээлэл хийсэн.
Тэрбээр "Надаас хориотой бодис илэрсэн, үүнийг хүлээн зөвшөөрч байна. Триметазидини гэж бодис илэрсэн. Энэ хариуг би зөв гэж үзэж байна. 9-р сарын 14-нд хариугаа аваад, энэ эмийг өөрийнхөө чинээгээр судалсан. Энэ эм бол зүрхний эм. Монголын эмийн санд нэг ширхэг нь 400 төгрөгөөр зарагддаг.Шинжилгээний хариуг аваад би их гайхаж байна. Допингийн шинжилгээний хариуг өнөөдөр Бөхийн салбар хорооноос бичгээр авсан. Маш бага хэмжээгээр илэрсэн гэж гарсан. Энэ эм бол допингийн төрөлд багтдаг эм юм байна. Лабораторийн шинжилгээтэй би маргахгүй.
Монгол улсын арслан Р.Пүрэвдагва хориотой бодис илэрсэн талаараа мөн л хүлээн зөвшөөрч байгаагаа илэрхийлсэн.
Тэрээр "Би урд шөнө хөдөөнөөс ирээд шинжилгээнийхээ хариутай танилцлаа. Хориотой эмийн жагсаалтад 300 гаруй бодис байдаг. Надаас нэг төрлийн бодис илэрсэн байна. Сүүлийн хоёр гурван жил хоёр хөлөө гэмтээсэн. Барилдаж байгаа хүний хувьд бусад бөхөөсөө нуух хаах юм байсан л даа. Эмчлэх гэж байгаад л мэдэхгүй эм тариа хэрэглэсэн бололтой.
°C
Сэтгэгдэл (0)
Сэтгэгдэл бичигдээгүй байна