Дөрвөн настай охины дөрвөн сартай дүү тэжээлийн дутагдалд орсон байжээ

Чингэлтэй дүүрэгт энэ сарын 15-ны өдөр хойд эцэг нь Дөрвөн настай охины толгойг аягаар цохиж гэмтээсэн хэрэг гарсан талаар бид мэдээлсэн. Охины ээж, аав архины хамааралтай байсан талаар цагдаагийн байгууллагаас мэдээлж байна. Дөрвөн настай охин нэг нас таван сартай , дөрвөн сартай хоёр дүү нарынхаа хамт амьдардаг бөгөөд хэрэг гарсан өдрөөс хойш хүүхдүүдийг түр хамгаалах байранд авчээ. Охины дөрвөн сартай дүү нь тэжээлийн дутагдалтай байсан нь хүүхэд хамгааллын байгууллагуудын хамтарсан шалгалтын үеэр тогтоогджээ. Мөн дөрвөн настай охины хойд эцгийг цагдаагийн байгууллагаас шалгаж байна.