Тээврийн жолооч иргэн Д-ийн хадам нь дүү болох МУБИС-ийн оюутнаас коронавирус илэрсэн бөгөөд одоо ХӨСҮТ-д хэвтэн эмчлүүлж байгаа юм. Тэгвэл тухайн оюутантай хамт сурдаг нэгэн оюутнаас коронавирус илэрсэн гэх мэдээллийг NTV-ийн Мэдээний албаны сурвалжлагч Н.Сугар олон нийтэд хүргэлээ. Тодруулбал БГД буюу хорооллын эцсийн 33-р байранд тухайн оюутан амьдарч байсан бөгөөд түүний ар гэрийнхэн болох дөрвөн хүнийг өнөөдөр буюу 2020 оны арваннэгдүгээр сарын 12-нд 16 цагийн орчим ХӨСҮТ-рүү авч явсан байна. Одоогийн байдлаар тус байранд албаныхан халдваргүйжүүлэлт хийсэн гэж СӨХ-ны дарга С.Алтансувд мэдээлж байгаа юм.
ЭМЯ, УОК, ХӨСҮТ-өөс 17 цагт мэдээлэл хийсэн ч оюутан эмэгтэйн хавьтагчаас коронавирус илэрсэн талаар тодорхой мэдээлэл өгөөгүй юм.