Ц.Ганзориг: Тээврийн жолоочийн оюутан дүүгийн хоёр хавьтагчаас коронавирус илэрсэн нь үнэн

Зарим хэвлэл мэдээллийн хэрэгслээр МУБИС-ийн дөрвөн оюутнаас коронавирус нэгэн зэрэг илэрсэн талаар мэдээлэв. Бид Засгийн газрын Хэвлэл мэдээллийн албаны дарга Ц.Ганзоригтой утсаар холбогдож энэ талаархи мэдээллийг тодрууллаа. 

Тээврийн жолооч иргэн Д -гийн дүү нь МУБИС-ийн оюутан байсан. Тэрбээр коронавирусын халдвар авсан нь шинжилгээгээр тогтоогдож одоо ХӨСҮТ-д эмчлүүлж байна. Тухай оюутантай ойрын хавьтагч болох 25 оюутныг тодорхой болгоод өнөөдөр тусгаарлаад шинжилгээ авсан. Эдгээр оюутнуудаас хоёроос нь коронавирус илэрсэн нь тогтоогдож ЭМЯ нь 11 болон 17 цагийн мэдээлэлээр олон нийтэд хэлсэн. Тухайн оюутан номын сангаар үйлчлүүлсэн тиймээс тэнд байсан оюутнуудыг нэгдүгээр хавьтагч гэж үзэж байна. Цаашлаад коронавирус илэрсэн хоёр оюутны хавьтагчдыг тогтоохоор ажиллаж байна гэв.