2020/11/24
USD 2,811

Ш.Оргил: 74 настай иргэн Ц-тэй хамт амьдардаг бэр нь Дархан хотруу зорчсон

Өнөрцэцэг
2020/11/12

Сэлэнгэ аймгийн Сүхбаатар сумын дөрөвдүгээр багийн 74 настай иргэнээс хоёр  удаагийн шинжилгээгээр коронавирус илэрчээ. Энэ талаар бид Сэлэнгэ аймгийн Засаг дарга Ш.Оргилтой холбогдож мэдээллийг тодрууллаа.

  • Танай аймгийн нэгэн настай иргэнээс коронавирус илэрсэн гэж үнэн үү?


  • Сэлэнгэ аймгийн Сүхбаатар суманд сэжигтэй тохиолдол бүртгэгдлээ.  Тодруулбал 70 настай Ц   нь ач хүү бэрийн   хамт    дөрвүүлээ амьдардаг.  Иргэн Ц нь 2020 оны арваннэгдүгээр сарын 06-ны өдрөөс 38 хэмийн  халуунтай, толгой, хоолой өвдсөн, дотор муухайрсан гэсэн өгүүлэмжтэйгээр өрхийн эмнэлэгтээ ханджээ.  Тухайн өдрөөс хойш гурав хоногийн дараагаас буюу  энэ сарын 9-ний өдрөөс эхлээд аймгийн нэгдсэн эмнэлгээр үзүүлжээ.  Өнөөдөр аймгийн нэгдсэн эмнэлэг шинжилгээ авахад сэжигтэй гарлаа. Яг одоо Улаанбаатар хотруу сорьцыг ахин шинжлүүлэхээр явуулж байна.


  •   Иргэн Ц-гийн ойрын хавьтагчдыг олж тогтоов уу, хичнээн иргэнийг тусгаарлав?


  • Яг одоогийн байдлаар нэг ч иргэнийг тусгаарлаагүй байна. Ойрын хавьтагчдыг нь гэрийн хорионд байлгаж байна. Тухайн өвчтөнд үйлчилгээ үзүүлсэн эмч, эмнэлгийн ажилтнууд болоод гэр бүлийн хүмүүсийг нь гэрийн орчинд нь тусгаарласан байдалтай байна. Түүнтэй нэг гэрт амьдардаг бэр нь Дархан-Уул аймагруу зорчсон байгаа юм.


  • Иргэн Ц хаанаас халдвар авсан байж болох вэ, Тээврийн жолооч Д-тэй холбоотой юу?


  • Одоогийн байдлаар иргэн Д –тэй болоод мөн UB паласед болсон тоглолт үзсэн хүмүүстэй холбоотой биш байгаа. Хаанаас халдвар авсныг нь хэлж мэдэхгүй байна.