Халдвар илэрсэн иргэдийн дунд нийслэлд голомт болсон жолооч Д-ийн ойрын хавьтагч байсан иргэдээс коронавирус илрээд байгаа билээ. Иргэн Д-гээс халдварласан хоёр тохиолдол эхнэр, нөхөр бөгөөд тэд “Тесо ХХК”-д ажилладаг байжээ.
Тодруулбал нөхөр Н нь “Тесо ХХК”-д жолооч хийдэг бол эхнэр Ш нь борлуулалтын менежер хийдэг байсан гэх мэдээлэл байна. Эхнэр Ш нь борлуулалт хийхдээ дэлгүүрүүдээр явсан гэх мэдээлэл байгаа юм.
Мөн Тесо компанийн “Ice Mark” үйлдвэрийн ажилчид энэ сарын 08-нд болсон "Хархан нүд" тоглолтыг үзжээ. Маргааш /2020.11.16/ Тесо компанийн бүх ажилчдыг шинжилгээнд хамруулах юм байна.