Дархан-Уул аймагт коронавирусийн сэжигтэй тохиолдол илэрч, бүрэн зогсолт хийлээ

Дархан-Уул аймагт нэг сэжигтэй тохиолдол бүртгэгдсэн тул тухайн иргэний шинжилгээний сорьцыг ХӨСҮТ рүү явуулжээ. 

Эрсдэлт бүлэгт холбогдох ойрын болон дам хавьтлын 583 иргэнээс шижилгээ авахад өнгөрсөн шөнийн 00 цаг 26 минутад дээрх сэжигтэй тохиолдол илэрчээ.

Томоохон худалдааны төвүүдэд ажилладаг ажилчид, багш, эмнэлгийн ажилчдад буюу олон нийттэй ойр ажилладаг иргэдээс түргэвчилсэн оношлуураар 10302 иргэнд түргэвчилсэн оношлуураар шинжилгээ авсан байна. 

Орон нутагт үүссэн энэхүү нөхцөл байдлаас шалтгаалан нэг болон дам хавьтлын байршлыг тогтоох шаардлагатай гэж үзэн өнөөдөр өглөөний 06:00 цагаас эхлэн 11 дүгээр сарын 18-ны 06:00 цаг хүртэл аймгийн хэмжээнд бүрэн зогсолт хийхээр болсон талаар Дархан-Уул аймгийн Засаг дарга, аймгийн Онцгой комиссын дарга Б.Азжаргал мэдээллээ.