Сэлэнгэ аймгийн бүх хүн ам буюу нийт 25 мянган иргэнийг долоо хоногт багтаан коронавирусийн шинжилгээнд хамруулахаар болсон талаар Улсын онцгой комиссоос мэдээллээ. Өнөөдрийн байдлаар Сэлэнгэ аймагт коронавирусийн дөрвөн тохиолдол батлагдаад байгаа билээ.
Эргэн сануулахад, Сэлэнгэ аймагт энэ сарын 13-нд 74 настай иргэнээс коронавирусийн халдвар илэрч түүний бэр болон ач хүүгээс коронавирус илэрсэн.
Харин үүний дараа Сэлэнгэ аймгийн нэгдсэн эмнэлэгт хэвтэж байсан 11 настай хүүгээс коронавирус илэрч нийт дөрвөн тохиолдол тус аймагт бүртгэгдээд байна.
Мөн Сэлэнгэд түргэвчилсэн оношлуураар 19 хүний шинжилгээний хариу эерэг гараад байгаа бөгөөд PCR шинжилгээий хариу одоогоор гараагүй байна.