Коронавирусийн халдвартай холбоотойгоор бүх нийтийн бэлэн байдалд шилжээд тав хонож байна. Замын хөдөлгөөнд тусгай зөвшөөрөл бүхий цөөн тооны автомашин явуулна хэмээн Улсын онцгой комиссоос мэдээлсэн. Харин өнөөдөр замын хөдөлгөөнд оролцох машины тоо нэлээдгүй нэмэгдсэн дүр зурагтай байна. Өнөөдрийн байдлаар манай улс дотроо халдварыг алдаж 20 иргэн коронавирусийн халдварыг дотооддоо аваад байгаа билээ. Тодруулбал, Улаанбаатарт 10 тохиолдол, Сэлэнгэ аймагт 9 тохиолдол, Дархан-Уул аймагт нэг тохиолдол тус тус бүртгэгдэж, голомтлон тархаад байна. Тиймээс иргэдийг аль болох гэрээсээ гарахгүй байхыг анхааруулсаар байна.