Төмөр зам дагаж гарсан коронавирусын халдвар 20 хоногийн өмнөөс гарч, тэмцээн дээр дэгдсэн байх магадлалтай байна

Дархан-Уул аймагт төмөр замын тэмцээн аравдугаар сарын 30-ны өдрөөс 11 дүгээр сарын 1,2,6-ны өдрүүдэд зохион байгуулагджээ. Тус тэмцээнд  Говьсүмбэр, Дорноговь аймгаас оролцсон нэг багийн ажилтнууднаас коронавирус илрээд байгаа юм. Дархан-Уул аймагт болсон спортын болон ур чадварын тэмцээнд төмөр замын 445 ажилтан оролцжээ. Үүнээс үүдэлтэй “төмөр зам дагасан голомт” үүссэн байж болзошгүй юм байна. Одоогоор төмөр зам дагасан голомтоос коронавирусын 11 тохиолдол батлагдаад байгаа бөгөөд эдгээрээс 9 нь төмөр замын ажилтан байна. Дархан-Уул аймгийн төмөр замын 1088 хүнээс өчигдрийн байдлаар 878 иргэнийг шинжилгээнд хамруулаад байгаа аж.