ЗТХ-ийн сайд Л.Халтар: Улаанбаатар төмөр замд 15937 хүн байнгын болон улирлын чанартай ажилладаг хөдөлмөрийн гэрээтэй. 2020 оны 11 сарын 23-ны байдлаар 15622 хүнийг шинжилгээнд хамруулсан байна. Зангилаа өртөөнд ажиллаж буй 315 хүнээс шинжилгээг авна. Өнөөдрийн байдлаар 461 хүн тусгаарлалтад байна. Нөхцөл байдал хүндэрвэл 513 ажлын байран дээр эрсдэл гарч магадгүй гэж тооцоолсон. Оронд нь ажиллах хүмүүсийг ч тооцоолсон байгаа. Хоёр хилийн өртөөн дээр бичиг баримтны уут, хуудас бүрээс шинжилгээ авахаар бэлэн болгож ажиллаж байна. Мөн Төмөр замын тэмцээн дээр хууль хүчний байгууллагаас энэ тэмцээн хууль зөрчсөн эсэхийг шалгана.
Эргэн сануулахад, Дархан-Уул аймагт болсон спортын болон ур чадварын тэмцээнд төмөр замын 445 ажилтан оролцсон билээ. Үүнээс үүдэлтэй “төмөр зам дагасан голомт” үүссэн байж болзошгүй байна. Тэмцээн 10 сарын 30-нд эхэлж гурван өдөр зохион байгуулагдсан байдаг.