Европын холбоо агаар мандалд хаягдал хий ялгаруулах “Евро-7” шинэ стандарт нэвтрүүлж магадгүйтэй холбоотойгоор Германы авто машины үйлдвэрлэл сүйрч, олон зуун мянган хүн ажилгүй болно. “BMW” компанийн үйлдвэрлэлийн зөвлөлийн тэргүүн Манфред Шох ийм анхааруулга хийснийг “Deutsche Wirtschafts Nachrichten” уламжилсан байна.
Экологийн “Евро-7” шинэ стандарт ёсоор агаарт хаягдал хий ялгаруулахыг тэг болгох зорилготой бөгөөд үүний тулд Европын холбооны нутаг дэвсгэр дээр дотоод шаталтын хөдөлгүүртэй тээврийн хэрэгсэл ашиглахыг бүрэн хорих тухай яригдаж байгаа юм.
Манфред Шохын анхааруулж байгаагаар бол улстөрчид экологийн асуудалд хэт санаа зовоод Герман улсын хөгжил цэцэглэлт ба ажилгүйдлийг асуудлыг огт тоохгүй байгаа аж. Улмаар 2025 оноос эхлэн шинэ машинд дотоод шаталтын хөдөлгүүр тавихыг хоригловол Герман улс урд үзэгдээгүй их ажилгүйдэлтэй тулгарна гэж анхааруулжээ. Тэрээр “Бид урд хожид үзэгдээгүй их цар хүрээтэй ажилгүйдэлтэй тулгарна. Хэрэв Брюссел дэх улстөрчид хүчилбэл Германд хүнд хэцүү үе ирнэ” гэсэн байна. Иймд тэрээр Германы улстөрчдийг асуудалд өрөөсгөл хандалгүйгээр улс орныхоо хөгжлийг нэг тэргүүд тавихыг уриалжээ.
0°C
Сэтгэгдэл (415)