Хойд Солонгос өнгөрсөн ням гарагт далавчит пуужин хоёрыг хөөргөн туршсан тухай Өмнөд Солонгосын зэвсэгт хүчний штабуудын дарга нарын хороо мэдэгдсэнийг “Yonhap” агентлаг уламжилсан байна. “Reuters” агентлагийн тодруулснаар Өмнөд Солонгосын штабуудын дарга нарын хороо нь хиймэл дагуул ашиглан пуужин харвахыг онлайнаар хянаж байжээ.
Хойд Солонгосын иймэрхүү үйл явдалд олон улсын анхаарлыг хандуулж, далимдуулан сүржин мэдэгдэл хийдэг байтал энэ удаад ямар ч тайлбар хийгээгүй гэдгийг “The Washington Post” сонин онцолжээ. Тус сонинд өгүүлснээр “Хойд Солонгос нь ням гарагт хийсэн пуужингийн туршилтын талаар ямар ч тайлбар хийгээгүй нь АНУ, Өмнөд Солонгосын албаны хүмүүсийг гайхшируулсан” гэжээ.
Сэтгэгдэл (0)
Сэтгэгдэл бичигдээгүй байна