Японы Кобе хотын усан онгоцны үйлдвэр дээр энэ лхагва гарагт “Торю” нэртэй дизель-цахилгаан шумбагч завийг Японы Тэнгисийн цэргийн хүчинд хүлээлгэн өгөх ёслолын ажиллагаа болсон тухай “Kyodo” агентлаг мэдээллээ.
Энэхүү “Торю” нэртэй шумбагч нь хамгийн сүүлийн үеийн лити-ионы цахилгаан хураагуураар тоноглогдсон тул усан дор маш урт хугацаагаар байх боломжтой болжээ. “Торю” нь Японы шумбагч онгоцны үндсийг бүрдүүлж байгаа “Сорю” цувралын 12 дах шумбагч байна. Түүний урт нь 84 метр, усан түрц нь 2950 тонн, усан доор 37 км/ц хүртэл хурдалдаг, 65 багийн гишүүнтэй. Тус шумбагч нь далавчит пуужин харвах боломжтой торпер харвах зургаан төхөөрөмжтэй.
Маргаантай арлуудын улмаас БНХАУ-ын эргийн харуулын усан онгоц оролцсон ээдрээ тогтмол гарч байгаа ийм нөхцөлд цоо шинэ шумбагч завь зэвсэглэлдээ авна гэдэг нь Японы тэнгисийн цэргийн хүчний боломжийг ихээхэн нэмэгдүүлсэн хэрэг болжээ. Дараа жилийн гуравдугаар сард үүнтэй адил ээлжит шумбагчийг тэнгисийн цэргийн хүчинд хүлээлгэн өгөхөөр угсралтын ажил явагдаж байгаа тухай мэдээллээ.
16°C
Сэтгэгдэл (407)