Австрийн Вена, Бургенланд, Доод Австри гэсэн мужуудад ирэх сарын 1-6 хооронд хатуу хөл хорио тогтоохоор шийдсэн тухай тус улсын Эрүүл мэндийн сайд РудольфАншобер мэдэгдсэн байна. Үүний өмнөхөн Австрийн сайд нарын танхимаас муж тус бүр өөрийн нутаг дээр нөхцөл байдлаас хамаараад хөл хориог сулруулж эсвэл чангалахыг зөвшөөрсөн. Одоогоор Австрийн зүүн нутагт корона вирусийн Британи хувилбар газар авч, байдал ноцтой байгаа тул ийнхүү хатуу хөл хорио тогтоохоор шийдсэн юм байна.
Хатуу хөл хорионы үеэр үйлчлүүлэгчийн биед хүрэх шаардлагатай болдог үйлчилгээний салбаруудыг хаах, эмийн сан ба хүнсний дэлгүүрүүдээс бусдыг хаах, иргэд гадуур явахдаа “FFP2” загварын амны хаалт заавал зүүх, Чех ба Унгараас ирж байгаа орон нутгийн галт тэрэгний зорчигчдод илүү өндөр шаардлага тавьж, хил даван орж ирж байгаа иргэдэд долоо хоногт хоёр удаа шинжилгээ өгч байхыг шаардах зэрэг арга хэмжээ тус тус авахаар болжээ.
Сэтгэгдэл (0)
Сэтгэгдэл бичигдээгүй байна