АНУ нь БНХАУ-ыг арилжаа наймаа явуулах, эдийн засгийн асуудлыг шийдэхэд төрөөс явуулж буй бодлогынх нь улмаас “эрх зүйн зөрчлөөрөө дэлхийд тэргүүлэгч улс” гэж тодорхойлсон байна. Худалдааны хэлэлцээрт АНУ-ын төлөөлөгч Кэтрин Тай-ийн тараасан илтгэлд “Эдийн засаг ба арилжаанд Хятадын төрөөс баримталж байгаа бодлого нь түүнийг гадаад эдийн засгийн нөөц боломж бий болгох тал дээр эрх зүйн зөрчлөөрөө дэлхийд тэргүүлэгч улс болгож байгаа бөгөөд төмөрлөг, хөнгөн цагаан болон нарны эрчим хүчний гэх мэт салбаруудад шаардлагатай хэмжээнээс давж гарсан хүчин чадлыг дэмжин хадгалж байгаа нь үүний нотолгоо юм” гэжээ. Түүнчлэн Хятадын “Made in China -2025” гэх мэт хөтөлбөрийг хэрэгжүүлэх замаар аж үйлдвэрлэлийн бусад салбаруудад ч шаардлагатайгаар хол давж гарсан хүчин чадлыг бий болгох талаар ажиллаж байна гэж буруутгажээ. Улмаар АНУ нь Хятадын явуулж байгаа энэхүү уршиг их тарих үйл ажиллагааг сөрөхөд хоёр талын болон олон талт хүчин чармайлт гаргасан хэвээр байх болно гэжээ.
Хятад ба Америкийн харилцаа энэ мэтээр өдөр ирэх тусам улам хурцдаж байна. Өнгөрсөн долоо хоногт АНУ-ын Ерөнхийлөгч Жо Байден нь Хятадыг олон улсын дүрмээр шударга өрсөлддөг, шударга арилжаа хийдэг болгохын төлөө холбоотнууд болон хамтрагч нартайгаа хамтран ажиллана гэж мэдэгдэж байсан юм. БНХАУ-ын Гадаад яамны төлөөлөгч Хуа Чуньин нь үүний хариуд Бээжин нь бусад улстай ямагт харилцан хүндэтгэх зарчмаар хамтран ажиллахыг эрмэлздэг бөгөөд олон улсын харилцааг цогцтой хөгжүүлэхийн төлөө байгаа гэж мэдэгджээ.
16°C
Сэтгэгдэл (246)