АНУ-ын Ерөнхийлөгч Жо Байден нь Цагаан ордны гадна сэтгүүлчдэд мэдэгдэл хийхдээ улс оронд нь гал зэвсэг хэрэглэн хүчирхийлэл үйлдэх тахал дэгдээд байгаа тухай дурдсаныг “Reuters” агентлаг уламжилжээ.
Энэхүү үзэгдлийн нэг жишээ болгож Өмнөд Каролинад дөрөвдүгээр сарын 8-нд болсон буудалцааныг дурдсан байна. Цаашид энэхүү “тахлын” тархалтыг багасгахын тулд багц арга хэмжээ авахаар болсноо Ерөнхийлөгч мэдэгджээ. Эдгээр арга хэмжээгээр нь америкчуудад галт зэвсэг хадгалах, биедээ авч явах эрх олгосон Үндсэн хуулийн хоёр дах өөрчлөлтийг огтхон ч шамшигдуулахгүй гэдгийг Байден онцолжээ.
Авах раг хэмжээний дотор “ghost gun” гэгддэг гар аргаар угсарсан, бүртгэлийн дугааргүй зэвсгийн эргэлтийг заавал бүртгэдэг болгох арга хэмжээ авах аж. Мөн зэвсэг эзэмшдэг хүмүүсийн дундаас эрсдэлтэй бүлэгт хамаарах хүмүүсийг илрүүлж хяналтдаа авах, олон сум багтдаг дийзийг хориглох, байлдааны зориулалттай автомат бууг хориглох, зэвсгийн лоббитой тэмцэх замаар зэвсэг үйлдвэрлэгчдэд хариуцлага тооцдог болгох гэх мэт арга хэмжээ авахаар болжээ.
Дөрөвдүгээр сарын 8-нд Өмнөд Каролинанд болсон буудалцааны үеэр таван хүн, түүний дотор хоёр хүүхэд харамсалтайгаар амиа алдсан байна.
Сэтгэгдэл (0)
Сэтгэгдэл бичигдээгүй байна