Японы эрх баригчид осол гарсан “Фукусима-1” цөмийн цахилгаан станц дээр хуримтлагдсан усыг цацраг идэвхт бодисоос цэвэрлээд далай руу асгахаар шийдсэн тухай мэдээлэл дэлхийн нийтийн анхаарлын төвд байна.
Японы Засгийн газрын энэ шийдвэрт БНХАУ ихээхэн дургүйцэж байгаагаа илэрхийлэн Гадаад яамныхаа сайт дээр эсэргүүцлийг мэдэгдэл гаргажээ. Тус мэдэгдэлд “Энэ мэт үйлдэл нь туйлын хариуцлагагүй байдал гаргаж байгааг харуулж, хөрш зэргэлдээ улс орнуудын хүн амын эрүүл мэнд ба аюулгүй байдалд аюул учруулж байна” гэжээ. Хятадын талын үзэж байгаагаар цөмийн станц дээрх усыг цацраг идэвхт бодисоос цэвэрлэсэн ч гэлээ Номхон далайн усыг цацраг идэвхээр хордуулан, тэнд амьдардаг загас тэргүүтэн ам амьтадыг генийн өөрчлөлтөд оруулж болзошгүй гэж үзэж байгаа юм байна. Цаашид БНХАУ нь энэ асуудлыг дэлхийн нийтийн өмнө сөхөн хөндөж, янз бүрий хариу арга хэмжээ авна гэжээ.
Харин АНУ энэ асуудал дээр Японы талын шийдвэрийг дэмжсэн байна. АНУ-ын Төрийн департаментын хэвлэлийн төлөөлөгч Нэд Прайс энэ талаар мэдэгдэл хийхдээ “Япон улс нь цэвэрлэгдсэн усны эргэлттэй холбоотой хэд хэдэн хувилбар судалж үзсэнийг АНУ мэдэж байгаа. ... Ийм өмнө нь огт гарч байгаагүй, ээдрээтэй нөхцөл байдалд Япон улс нь авч хэрэгжүүлэх олон хувилбар ба тэдгээрийн үр дагаврыг авч үзээд шийдвэр гаргах дээр ил тод, нээлттэй байж, цөмийн аюулгүй байдлын олон нийтийн стандарттай нийцсэн гэж болохоор сонголтыг хийсэн байна. Японы Засгийн газар цаашид энэ сонголтынхноо үр дагаврыг ажиглахын хэрээр үйл ажиллагаагаа уялдуулан холбож, холбоотой ажилласан хэвээр байна гэдэгт найдаж байна” гэжээ.
Өмнөд Солонгосын удирдлагууд Японы шийдвэрт гүнээ харамсаж байгаагаа илэрхийлжээ. Японы удирдлагууд “Фукусима” станц дээр хуримтлагдсан усыг далайд асгах шийдвэр гаргасны дараа Өмнөд Солонгосын Засгийн газар яаралтай хуралдаад иргэдээ “Фукусима”-ийн цацраг идэвхтэй уснаас хамгаалахад шаардлагатай бүх л хүчин чармайлтыг гаргаж гэж мэдэгдээд ийнхүү Японы шийдвэрт гүнээ харамсаж байгаагаа илэрхийлжээ.
Сэтгэгдэл (0)
Сэтгэгдэл бичигдээгүй байна